Usne kaha mujhse...
Bahut Likhte Ho na Tum.. Apni Mohabbat Ko Shabdoun Me utaar Do Aaj...
Par Sajaana Shabdoun ko Aise ki Usse haseen koi Naghma na ho...
Mein chahoon To bhi Na Bhula sakun kuch aisa ho tumhare sHabdoun ka saaj...
Bata Aye dilbar Mere kya karoge tum meri muraad Poori, Hak hai ye Mera Tumhari kalam pe jo maine maanga hai aaj...
To fir kaha maine bade style se...
Mujhpe teri mohabbat ka suroor hai tu mera guroor hai...
Meri najron mein tu us khuda ka tarasha hua kohinoor hai...
chand bhi sharmata hai dekh ke chehra tera...
Tere chehre pe na jaane ye kaisa Noor hai...
Tere husn ki tareef main kaise karun aye jaan meri...
Bas itna jaan le ki tujhe banakar hi hua wo khuda mashoor hai...
Par mein tere husn ka talabgaar nahi mujhe mohobbat hai tere dil se...
Jo dhadakta hai mere liye aur meri chahat me choor hai...
Mein maanta hoon teri mohobbat meri IBAADAT ban chuki hai...
Par Dil ne tujhe Rab maan liya isme Mera kya kasoor hai.....
No comments:
Post a Comment